Pitaj

[Tangi]

Ar ger "pitaj" n'emañ ket 'ba geriadur Favereau. 6 okurañs dioutañ 'meump :

F39511 : Traoù pitaj na dalvezont mann bet. Les choses minables ne valent rien. (Ifig ar Bihan / Juluan)

F30132 : Se zo pitaj. Ce sont des bricoles [des choses pas importantes]. (Dominig ar Baodour / Tangi)

F14857 : Pitaj, ar re-se n’int ket nemet pitaj. Futile, celles-là ne sont que des choses futiles. (Roje Dollo / Tangi)

F14856 : Pitaj. Des mots sans queue ni tête. (Dominig ar Baodour / Tangi)

F14855 : Kontañ pitaj. Dire des balivernes. (Anna ar Baodour / Tangi)

F14854 : Pitaj. Des balivernes. (Dominig ar Baodour / Tangi)

Diwar ma skwerioù e lârfen eo "pitaj" un anv evit kalifiañ komzioù ("balivernes", "mots sans queue ni tête") pe traoù ("bricoles", "choses pas importantes", "choses futiles"). Gant skwer Juluan avat, "traoù pitaj" ("des choses minables"), eo un anv-gwan. Maluruzamant n'eus ket skwerioù all...

[Riwal]

Deus ma zu, 'meus ket klevet ar ger-se.
Kavet 'meus kement-mañ e-barzh al levrioù :

laret loegach dire des bêtises, Trég., Pleud.; syn. pitach, voeltrach, kac'hach, marc'hach, tourc'hach, moc'hach.
(Émile Ernault, Geriaoueg Treger, Goueloù hag ar marzoù, embannet gant Herve Bihan e-barzh Hor Yezh etre 2011 ha 2014)

Ur skwer, roet gant Émile Ernault ivez, a vez kavet war Devri.
Kavet e vez pitach ivez e-barzh levr Gireg Konan (Eostad, er pennad "loegaj"), diwar Émile Ernault c'hoazh.

[Tangi]

Trugarez !

Sklaer eo eo un anv gant ar ster "sornettes, balivernes". Met daoust hag-eñ e c'hall talvezout evit an traoù ivez ?

Ha daoust hag-eñ e c'hall bezañ un anv gwan...