▶ ha ni d'an Dosenn Vre ivez 'vat, war visiklet, soñj ! deus amañ da... da Bederneg du-se ! ha... ha... ha graet... ha graet ur sapre devezh ganimp c'hoazh, oh ma doue !

[a ˌnym də ˌdɔsən ˈvɹeˑ ˌiˑe hat - waɹ visiˈklɛt - ˌʒɔ̃ˑʒ - dœz ˌɑ̃mɑ̃ də də beˈdɛɹnɛg ˈdyːze - a a a ˌgɛt a ˌgɛt ˌsɑpɹe ˈndewəz gɑ̃ˈnym hwɑs - o ma ˈduˑe]

et nous au Ménez Bre aussi, à bicyclette, imagine ! d'ici à... à Pederneg là-bas ! et... et... et ayant fait... et ayant fait une sacré journée aussi, oh mon dieu !

Pederneg

Mari ar Gag, 1932, Bear (Lanneven) (dastumet gant Tangi 00/0000)

▶ 1. eñ a oa en feurm ganac'h peotramant e oa dac'h neuze, ar Moskou-se ? 2. en feurm ganimp 1. da biv e oa bet gwerzhet hennezh neuze ? 2. ben da... d'ar reoù C'horveg goude 1. ah ya, ya

1. [ˈhẽ wa ˈfœɹm ˌgɑ̃nax pəˈtɑ̃m wa ˈdɑx ˌnœhe - ˈmosku ze] 2. [ˈfœɹm ˌgəˌnim] 1. [də ˈbiw wa ˌbe ˈgwɛɹzə ˈhẽˑz ˌnœhe] 2. [bɛ̃ də də ˌɹew ˈhɔɹvək ˌguˑde] 1. [a ˌjɑ ˌjɑ]

1. vous l'aviez en location ou sinon il était à vous alors, ce Moscou-là [surnom de champ] ? 2. en location 1. à qui avait été vendu celui-là alors ? 2. ben à... aux Corfec après 1. ah oui, oui

1. Solañj Beuvan, 1949, Kawan
2. Ivet an Du, 1937, Kaouenneg
(dastumet gant Tangi 00/0000)

▶ peogwir hañ ! 'h aemp da marc'had ar moc'h bihan, hag ar re-se 'na prenet moc'h bihan ganimp ur wech, feiz, neuze, e vije ober kas anezhe d'ar gêr neuze, hag e lardent goude, 'mamp troket... moc'h dezhe, « hañ, memestra emezon-me !? », « geus emezañ, troket 'deuint emezañ », « memestra xxx ( ?) 'h on deut deus Bear emezon-me, amañ », bezañ zo reoù hag 'dez ideoù hañ !

[pyˌgyˑɹ ɑ̃ hɛ̞m da ˈmɑɹha ˌmox ˈpiˑən - a ze na ˈpɹeːnə ˌmox ˈbiˑən gəˈnim ə ˈweʃ - fe ˈnœhe - ˌviʒe ˌo̞ˑɹ kaz ˌne̞ də ˈge̞ːɹ ˌnœhe - a ˈlɑɹdɛɲ ˈguːde mɑ̃m tɹokət - ˈmox de̞ - ɑ̃ ˌmɔ̃məsˈtɾɑ ˌmɔ̃me̞ - gøs ˌmeˑɑ̃ - ˈtɾokɛ dœɲ ˌmeˑɑ̃ - ˌmɔ̃sˈtɾɑ ? hɔ̃ dœt tœz ˈbeˑaɹ ˈmɔ̞me̞ - ˈɑ̃mɑ̃ - ˌbeˑ zo ˈɹew a de iˈdeˑo ɑ̃]

puisque hein ! nous allions à la fore aux petits porcelets, et ceux-là nous avaient acheté des porcelets une fois, ma foi, alors, il fallait les ramener à la maison alors, et ils étaient engraissés après, nous leur avions échangé... des cochons, « hein, quand même dis-je ! », « si dit-il, ils ont échangé dit-il », « quand même xxx ( ?) je suis venue de Bear dis-je, ici », il y en a certains qui ont de ces idées hein !

Janed Merrien, 1936, Bear (dastumet gant Tangi 00/0000)

▶ (T. : a-raok 'ta ur c'hazh, 'ta ket ?) oh pell zo ! hag e oa marv, me 'ma ket bet nemet eñ biskoazh kazh, ha eñ a oa arri du-mañ evel-se, eñ a oa gouez, eñ a oa gouez ha treut, graet moaien da... da... da... da... bepred e oa bet n'onn ket pet vloaz ganimp amañ, oh ! pa oa marv hemañ 'ma bet trubuilh

[o ˌpɛl zo a wa ˈmɑɹw - me ma be ˈkœ̃ː ˌdeˑɑ̃ - ˌmɑ kə be mɛ ˈhẽ ˌbiskwas ˈkɑːs - a ˌhẽ wa ˌɑj ˈdymɑ̃ vəˈse - ˌhẽ wa ˈgwẽː ˌhẽ wa ˈgwẽː a ˈtɾœt - gwɛd ˈmo̞jən də də də də - ˈbopə wa be ˌnɔ̃ kə ˈped la gəˌnim ˈɑ̃mɑ̃ - o - pe wa ˈmɑɹw ˈhemɑ̃ ma be ˈtɹyːbyj]

(T. : avant tu avais un chat, non ?) oh il y a longtemps ! et il était mort, moi je n'avais jamais eu que celui-là de chat, et lui était arrivé comme ça, il était sauvage, il était sauvage et maigre, trouvé le moyen de... de... de... de... toujours est-il qu'il avait été je ne sais combien d'années avec nous ici, oh ! quand il était mort j'avais eu du chagrin

Janed Merrien, 1936, Bear (dastumet gant Tangi 00/0000)

▶ ar c'hleñved, se zo kazi evel... e oa bet Tchernobyl, 'teus ket soñj ? e oa roet dimp da... 'da esaet reiñ dimp da grediñ... e oa tapet ganimp abominabl, daon ! e oa kazi kemer an dud evit eu... leuioù ivez, ya met, se zo gwir ! aze e oant oc'h ober ar memestra, boñ, amañ e vijent bet kontant a-walc'h d'ober ar memes tra, met ar c'hleñved eu... 'oar ket pelec'h emañ... emañ ar frontierioù evel-se

[ə ˈhlẽːvəd - ze zo ˈkɑhe we̞l - wa be ... ˌtøs kə ˌʒɔ̃ˑs - wa ˌɹoˑəd dim də - da e̞ˈsɑːd ˌɹɛˑĩ dim də ˈgɹeːdĩ - wa ˈtɑpəd gəˈnim aboˈmiːnəp - dɑ̃w wa ˌkɑhe ˈkemɛɹ ˈndyd wid ə ˈlwɛjo ˌiˑe - ja mɛ - ze zo ˈgwiːɹ - ˌɑhe wɑ̃ɲ ˌho̞ˑɹ mo̞sˈtɹɑˑ - bɔ̃ - ˈɑ̃mɑ̃ ˌviʒɛɲ bet ˌkɔ̃ntɑ̃n əˈwɑx do̞ˑɹ mo̞sˈtɹɑˑ - mɛ ˈhlẽːvəd ə - ˌwɑɹ kə ˌple̞x mɑ̃ - mɑ̃ fɹɔ̃ˈtjɛːɹjo viˈse̞]

la maladie, c'est presque comme... lorsqu'il il avait eu Tchernobyl, tu ne te souviens pas ? on nous avait fait... ils avaient essayé de nous faire croire... qu'ils avaient réussi de façon extraordinaire [à bloquer le nuage radioactif], dame ! c'était presque prendre les gens pour euh... des veaux aussi, oui mais, c'est vrai ! là ils faisaient la même chose, bon, ici ils auraient bien aimé faire la même chose, mais la maladie euh... elle ne sait pas où sont... sont les frontières comme ça

Pier Gotie, 1938, Plûned (dastumet gant Tangi 00/0000)

▶ ni a soñje ganimp e oa... e oa ganet 'ba Krec'h Kailhar, met eu... Krec'h Kailhar marteze a oa d'ar c'houlz-se 'ba eu... Peurid

[ˌnim ˈʒɔ̃ˑʒe gɑ̃ˌnim wa - wa ˈgɑ̃ˑnəd bah ˌkʁe̞ɣ ˈkɑjə - mɛd ə - ˌkʁe̞ɣ ˈkɑjə mɛˌtehe wa də ˈhulsˑe ba ə - ˈpœˑit]

nous nous pensions qu'il était... qu'il était né à Krec'h Kailhar, mais euh... Krec'h Kailhar peut-être était à cette époque-là euh... à Peurid

Langoad

Sesil ar Gall, 1924, Bear (dastumet gant Tangi 00/0000)

▶ (T. : ha 'oa ket 'met Frañsizien o labourat eno ?) geo, geo, geo, merc'hed rus a oa ganimp o labourat ivez, ya, ya, ya... merc'hed rus ivez

[ge̞w ge̞w ge̞w - ˌmɛhɛ’ɹys wa gɑ̃’nim la’bu:ɹəd ’ie - ja ja ja - ˌmɛhɛ’ɹyz ie]

(T. : et il n'y avait que des Français travaillant là-bas ?) si, si, si, il y avait des femmes russes à travailler avec nous aussi, oui, oui, oui... des femmes russes aussi

Jañ ar Bihan, 1918, Bear (dastumet gant Tangi 00/0000)

▶ pa 'mamp achu pa 'h ae div rigenn ha div rigenn ganimp

[pa mɔ̃m 'ɑʃy pə hɛ diw 'ɾi:ɟən a diw ' ɾi:ɟən gə'nym]

quand nous avions fini puisque nous faisions les rangs [de patates] deux par deux

Michel Talgen, 1951, Bear (dastumet gant Tangi 00/0000)

▶ douar Louis Riou zo bet ganimp...

['du:əʁ lwi 'ri:u zo be gə'nym]

nous avons loué les terres de Louis Riou...

Michel Talgen, 1951, Bear (dastumet gant Tangi 00/0000)

▶ dont a rae an taol da vat ganimp, sañset

[dɔ̃n ə ʁɛ nto:l də vɑt gə'nim 'sɑ̃sət]

nous avions du succès, en principe [auprès des stagiaires de l'école d'agriculture]

Pier Gotie, 1938, Plûned (dastumet gant Tangi 00/0000)

▶ aze e oa kouezhet an tractopelle ganimp 'ba ar rinier, a-benn-bouzell, ne oa arri mann ebet, na gant tractopelle na mann ebet, torret e oa ar pont

[’ɑ:he wa kwed tɹakto’pɛl gə’nim bah ’ɹiɲəɹ bɛn’bu:əl wa ɑj mɑ̃n’bet na gɑ̃n tɹakto’pɛl na mɑ̃n’bet ’tɔɹə pɔ̃n]

là nous avions fait tomber le tractopelle dans la rivière, en dégringolant, il n'était rien arrivé, ni au tractopelle ni rien, [sauf] le pont cassé

Roje ar Buzulier, 1948, Plûned (dastumet gant Tangi 00/0000)

▶ hag a-benn dimeurzh zo ur c'honkour ganimp, ur c'honkour

[a bɛn de'mœʁs so 'hɔ̃ŋkuʁ gə'nym 'hɔ̃ŋkuʁ]

et mardi nous avons un concours, un concours

Michel Talgen, 1951, Bear (dastumet gant Tangi 00/0000)

▶ ur c'hontra 'mamp gante hag evel-se euh... 'h adkemerent hom laezh ganimp tout euh...

[ə ’hɔ̃tʁa nɑ̃m ’gɑ̃tɛ a vi’sɛ ə ˌhatko̞’mɛ:ʁɛɲ ɔ̃m le̞:z gə’nim tud ə]

nous avions un contrat avec eux et comme ça euh... ils nous récupéraient tout notre lait euh... [coopérative]

Aleñ Toudig, 1968, Bear (dastumet gant Tangi 00/0000)

▶ o c'hi a oa aet ganimp

[o gi: wa ɛt 'kɑ̃nim]

nous avions emmené leur chien

Ivet Aofred, 1931, Bear (dastumet gant Tangi 00/0000)

▶ me zo sur dit-te, ne oa ket pas, pa oamp koachet e-mesk an torkad fleur, ne save ket pas ganimp hañ

[mɛ zy:ʁ ɔ̃ dit:e wa kə pɑ:s pe wɑ̃m kwɑʃ mesk ə 'tɔʁkə flœ:ʁ 'zɑ:ve kə pɑ:s kɑ̃nim ɑ̃]

je t'assure, on n'entendait pas tousser, puisque nous étions caché parmi le bosquet de fleurs, nous ne toussions pas [enfants silencieux et cachés]

Jañ-Pier Ar C'hamm, 1948, Sant Laorañs (dastumet gant Tangi 00/0000)