ar soub n'eo ket debrabl

[zub nɛ kə 'dɛ:bɑp]

la soupe n'est pas mangeable

Lusiena ar C'harluer, 1928, Bear (dastumet gant Tangi 00/0000)

▶ ma oarje petra a vije 'ba an hent o tont, e vuhez n'eo ket bevabl

[ma 'wɑɹʃe pɾɑ viʒe bah nɛn tɔ̃n i 'vy:e ne̞ kə 'bɛwap]

s'il savait ce qu'il avait sur son chemin [destin] à venir, sa vie n'est pas vivable

Lusieñ Minous, 1926, Bear (dastumet gant Tangi 00/0000)

▶ inkomprenabl !

[ˌiŋkɔ̃m'pʁe:nap]

incompréhensible [incroyable] !

Lusieñ Minous, 1926, Bear (dastumet gant Tangi 00/0000)

ampledus

an-plédus :

[ãpledys]

avantageux

Ivona Toudig, 1934, Bear (dastumet gant Julien 00/0000)

indebrabl

i-ndèbab

[in'dɛ:bap]

immangeable

Ivona Toudig, 1934, Bear (dastumet gant Julien 00/0000)

Al lipaj zo mat met n'eo ket enorabl !

Lipach zo mat, mèt nè keu énorap.

[lipaʃ zo mat mɛt nɛ kø enoʁap]

Lécher c'est bien, mais ça n'est pas honorable.

Herve Seubil : Al lip zo mat, met n'eo ket enorus !

Ivona Toudig, 1934, Bear (dastumet gant Julien 00/0000)

abominapl ! inkredapl penaos 'deuint bet en em debrouilhet tout

[ˌabo’mi:nap iŋ’kre:dap pə’nɔ̃:z dœɲ be nɔ̃n de’bruʎət tut]

impressionnant ! incroyable comment ils se sont tous débrouillés [dans la vie ; enfants]

Selina Jagin, 1920, Bear (dastumet gant Tangi 00/0000)

un tiad a vugale

[’tiəd vy’gɑ:le]

une maisonnée d'enfants

Lusiena ar C'harluer, 1928, Bear (dastumet gant Tangi 00/0000)

▶ ur skudellad

[’sky:lət]

une écuellée

Klaod Gwilhou, 1931, Bear (dastumet gant Tangi 00/0000)

ur sac'had

[ə 'zɑ:hat]

un sac [rempli de patates]

Lusiena ar C'harluer, 1928, Bear (dastumet gant Tangi 00/0000)

ul loaiad traoù

['lwɑjət trɛw]

une cuillerée

Lusiena ar C'harluer, 1928, Bear (dastumet gant Tangi 00/0000)

???

(dastumet gant Tangi 00/0000)

▶ Ya, en Israël a gav din ec'h on bet. Ya, aze e oa bet aet heu... un otokariad kazi, ya.

[ja ãnizraɛl gaf ’tĩː hõ ’bet - ja ahe wa be ’dɛd ø - noto’karjət ’karʒe ja]

Oui, je crois que je suis allé en Israël. Oui, on y était allés plein un autocar, oui.

Plac'h, 1925, Trezelan (Bear) (dastumet gant Riwal 00/0000)

ur votezad 'ma

[vo̞'te:zəd ma]

j'en avais plein la chaussure [merde de chien]

Dominik Baodour, 1965, Bear (dastumet gant Tangi 00/0000)

▶ dam, arri zo lâret un toullad traoù avat

[dɑ̃m ɑj zo ’lɑ:rə ’tulət trɛw hɑt]

dame, on a dit un bon nombre de choses

Ivet Aofred, 1931, Bear (dastumet gant Tangi 00/0000)

un torkad tud.

Torkeut tut.

[toʁkət tyt]

Un paquet de monde. [sur une photo]

Selina Jagin, 1920, Bear (dastumet gant Julien 00/0000)

▶ ur vozad bagennoù 'na kavet

[ə 'vo:zəd ba'geno na kɑ:t]

le contenu des deux mains de bagues qu'il avait trouvé

Lusieñ Minous, 1926, Bear (dastumet gant Tangi 00/0000)

un dornad

['ndɔrnət]

une poignée

Lusiena ar C'harluer, 1928, Bear (dastumet gant Tangi 00/0000)

ur vriad

vri-yeut

[vʁijət]

Une brassée

Daniel ar Bihan, 1950, Bear (dastumet gant Julien 00/0000)

Ur bagad klujiri zo.

Bageut tujuri zo.

[bagət tyʒyʁi zo]

Il y a un groupe de perdrix.

Daniel ar Bihan, 1950, Bear (dastumet gant Julien 00/0000)

▶ bet 'na ur voutailhad pe div

[bed na vu'tɑʎət pe diw]

il avait eu une bouteille ou deux

Ivet Aofred, 1931, Bear (dastumet gant Tangi 00/0000)

▶ ur pezh chaodourennad, ur pezh chaodourennad, 'ba ar chaodourenn font aze war an trebez, neuze e veze laket euh... dour gante, un hanter kastelodennad, ha goude e veze... ha goude e vezer krog da verviñ, e veze laket un tamm bihan holen, holen gros gante ha goude en noz e vezemp o tebriñ ar re-seoù, a-benn ar fin e oan arri heug gante

[pes ʃɔwdu’renət pes ʃɔwdu’renət ba ʃɔw’du:rən vɔ̃n ’ɑhe warn ’tre:bil ’nœe viʃe ’lɑkəd ə du:r gɑ̃tɛ ˈnɑ̃ntər ˌkastəlɔ’denət a ’gu:de viʃe a ’gu:de viʃɛr kɾɔ:g də ’virwĩ viʒe ’lɑkə tɑ̃m ’biən ’ho:lən ’ho:lən gɾo:z gɑ̃tɛ a ’gu:de nɔ̃:z viʒɛm ’ti:bĩ zew bɛn’fin wɑ̃n ɑj hœ:g gɑ̃tɛ]

une grande chaudronnée, une grande chaudronnée, dans le chaudron en font là sur le trépied, alors on mettait euh... de l'eau dedans, une demi-casserolée, et après on mettait... on commençait à bouillir, on mettait un petit peu de sel, du gros sel, et après le soir nous mangions ceux-là, finalement j'en étais écoeuré

Michel Talgen, 1951, Bear (dastumet gant Tangi 00/0000)

ur wizad voc'h

[ˌwizəd'voh]

une portée de porcelets [pour désigner une famille nombreuse]

Dominik Baodour, 1965, Bear (dastumet gant Tangi 00/0000)

▶ 'oaren ket egzaktamant, pe... pe ul loaiad vihan pe ul loaiad vras, 'oaran ket just a-walc'h hañ !

[waˈʁɛŋ kə doz egzakˈtɑ̃mɑ̃n - pe pe ˌlwɑjə ˈviːən pe ˌlwɑjə ˈvʁɑːs - waˈʁɑ̃ kə ˌʒyst əˈwaχ ɑ̃]

je ne savais pas exactement, soit... soit une petite cuillerée ou soit une grande cuillerée, je ne sais pas exactement hein !

Lusiena ar C'harluer, 1928, Bear (dastumet gant Tangi 00/0000)

▶ aze e tremenent, me a oar-me pet gwezh, ha ma vije ur parkad ed e vijent... hag e vije arri dare da... e tremenent e-barzh

[’ɑ:he dʁe’me:nɛɲ me wɑ:r me pet kweʃ a viʒe ’pɑɹkad e:d viʒe̞ɲ viʒe ɑj ’dɑ:ɹe də dɹe’me:nɛɲ bɑrs]

là ils passaient, je ne sais combien de fois, et s'il y avait un champ de blé ils étaient... qui était prêt à... ils passaient dedans [pour installer les poteaux électriques]

Lusieñ Minous, 1926, Bear (dastumet gant Tangi 00/0000)

ur c'hoûgad

[ə 'hu:gət]

une gorgée

Selina Jagin, 1920, Bear (dastumet gant Tangi 00/0000)

ur c'henaouad

hénoweut

[henowət]

Une bouchée

Ivona Toudig, 1934, Bear (dastumet gant Julien 00/0000)

▶ bep troatad

[bop 'trwɑtət]

tous les pieds [31 cm]

Manuel Aofred, 1931, Bear (dastumet gant Tangi 00/0000)

▶ ur meudad ne oa ket memes hini dre tout an dud

[ə 'mœ:dad wa kə ˌmɔ̃mə'si:ni dɾe tun dyt]

un pouce n'était pas le même pour tout le monde [unité de mesure]

Lusieñ Minous, 1926, Bear (dastumet gant Tangi 00/0000)

▶ ur metr pep kammad

[mɛt pop ’kɑ̃mat]

un mètre par pas

Lusieñ Minous, 1926, Bear (dastumet gant Tangi 00/0000)

▶ e oa stag gant... gant un tamm pennad kordenn

[wa stɑ:k kɑ̃n gɑ̃n tɑ̃m 'pɛnɑt 'kɔɹdən]

elle était attachée par... par un bout de corde

Lusieñ Minous, 1926, Bear (dastumet gant Tangi 00/0000)

!!!

(dastumet gant Tangi 00/0000)

▶ dek metr dour a oa 'ba...

[deg mɛd du:r wa ba]

il y avait dix mètres d'eau dans...

Klaod Gwilhou, 1931, Bear (dastumet gant Tangi 00/0000)

▶ pevar metr kleuz

[ˌpɛwaꝛˌme̞t ˈklœ̃:]

quatre mètres de talus

Michel Talgen, 1951, Bear (dastumet gant Tangi 00/0000)

▶ bremañ-souden ec'h ez da gaout ur foñsad

[bə'zɔ̃m hɛs tə gɑ:d 'vɔ̃sət]

tout à l'heure tu vas avoir une fessée

Janin An Aodren, 1939, Bear (dastumet gant Tangi 00/0000)

ur stekad

['stekət]

une fessée

Selina Jagin, 1920, Bear (dastumet gant Tangi 00/0000)

ur pastellad

[pas'tɛlət]

une fessée

Ifig ar Bihan, 1915, Bear (dastumet gant Tangi 00/0000)

▶ me 'ma skoet ur c'hwistad 'ba honnezh, me 'ma skoet ur foñsad 'ba honnezh, ken 'na graet « pouf »

[me ma ’skoəd ə ’hwistəd ba hɔ̃:s me ma ’skoəd ə ’vɔ̃səd ba hɔ̃:s ken na gwɛd ə puf]

j'avais tiré une mine dans celle-là, j'avais tiré une patate dans celle-là, tellement qu'elle avait « bang » [ballon explosé]

Michel Talgen, 1951, Bear (dastumet gant Tangi 00/0000)

beilhadegoù

[ˌbɛʎa'de:go]

des veillées

Roje Dollo, 1932, Bear (dastumet gant Tangi 00/0000)

▶ Oh, bije. Ah beñ, ar skol, fasil eo dit 'hat. Peogwir n'eus forzh peseurt skol zo e vo klevet huchadeg e-kichen. Ar vugale, pa vezont o c'hoari e-barzh ar porzh, ne vezont ket heu...

Oh si. Ah bein, l'école, c'est évident. Parce qu'à côté de n'importe quelle école, on entend des cris. Les enfants, quand ils jouent dans la cour, il ne sont pas heu...

Plac'h, 1925, Trezelan (Bear) (dastumet gant Riwal 00/0000)

▶ ya, ma sellan e vez ul lazhadeg hag ur lazha... emaint aze o c'hoari

[ja ma 'zɛlɑ̃ ve la'hɑ:dɛg a la'hɑ: mɑ̃ɲ 'ɑ:he hwɑj]

oui, si je regarde ce sont des massacres et des massa... ils sont là à jouer [films]

Lusieñ Minous, 1926, Bear (dastumet gant Tangi 00/0000)

▶ ar votadeg gouez dezhe

[vo'tɑ:dɛk gwes tɛ:]

l'élection comme ils disent

Roje Dollo, 1932, Bear (dastumet gant Tangi 00/0000)

▶ Met eñ ne blije ket dezhañ koll ivez. Hag a-wechoù e vije bec'h etreze, o-daou. Hola. Ha neuze e vije garmadeg. Neuze ec'h ae da welet e vamm. Neuze e c'harme un tamm bihan pa n'ae ket mat an traoù.

[mɛ hẽ bliʒe kə deã 'kɔl iə – a 'we̞ːʒo viʒe 'beχ 'tʁee o'dow – ola – a nœhe viʒe gaʁ'maːdək – nœhe he̞ də 'weːləd i 'vãm – nœhe 'haʁme tãm 'biən pa ne̞ kə 'maː n'tʁɛw]

Mais il n'aimait pas perdre non plus. Et parfois ils se disputait tous les deux. Hola. Et il y avait des pleurs. Alors il allait voir sa mère et il pleurait un peu parce que ça n'allait pas.

Plac'h, 1925, Trezelan (Bear) (dastumet gant Riwal 00/0000)

▶ ur broc'hadeg

[brɔ'hɑ:dɛk]

une fâcherie

Vallée 2014 p. 120. « Broc’hadek : fâcherie, brouille »

Manuel Aofred, 1931, Bear (dastumet gant Tangi 00/0000)

▶ peogwir ma vez esaet kaout anezhañ e vano en he beg, en he beg ne vo ket darev, an hini traoñ a vo, hag evel-se, ha goude, gortoz an hini er beg d'arriet ma vez... deus e vo... ma vez daou pe dri devezh e vo drol an amzer, an disterañ gouad heol zo... se zo evel... evel lann gwechall ivez kwa, el lann e vez had fleur e-barzh aze, hag ar fleur kentañ a vo darev alies a-raok ma vo... vo darev ar reoù all ivez ha neuze pa arri an heol warne, pa vezont darev neuze e strinkont hag e digoront hag e strink an had kwa ha hemañ a ra 'ba ar genre-se kwa, hag an disterañ stokadenn a rez aze, evel pa vo tomm aze, 'h a ur bern had evel-se ivez

[py’gy:ɹ ma ve hɛ’sɑ:t kɑ:d neɑ̃ ’vɑ̃:no ni bek ni beg vo kə dɑɹw n:i tɾo̞w vo a və’se a ’gu:de ’gɔrtoz n:i beg ’dɑjət ma ve dəz vo ma ve do̞w pe dɾi ’dewəz vo dɾo:l ’nɑ̃mzəɹ dis’te:ɹɑ̃ ’gu:ad ’hɛwɔl zo ze vo wɛl wɛl lɑ̃n gwe’ʒɑl ie kwa lɑ̃n ve hɑ:t flœ:ɹ bɑɹz ’ɑ:he a flœ:ɹ ’kentɑ̃ vo dɑɹw a’li:ɛz ɹog vo vo dɑɹw ɹew al ie a ’nœ:he pe ɑj ’hɛwɔl waɹnɛ pe vɛɲ dɑɹw ’nœ:he ’stɹiŋcɛŋ a ’djɔ:ɹɛɲ a stɾiŋg nɑ:t kwa a ’hemɑ̃ ɹa ba ʒɑ̃ɹ ze kwa a dis’te:ɹɑ̃ stɔ’kɑ:n ɹe̞s ’ɑ:he wɛl pe vo to̞m ’ɑ:he ha bɛrn hɑ:t və’se ie]

puisque si l'on essaye de l'avoir [colza] il en restera dans au sommet [de la plante], au sommet ce n'est pas mûr, le bas le sera, et comme ça, attendre celui du sommet d'arriver s'il y a... selon le... s'il y a deux ou trois journées de temps bizarre, la moindre période d'ensoleillement est... c'est comme... comme l'ajonc autrefois aussi quoi, dans l'ajonc il y a de la semence de fleur dedans là, et les premières fleurs qui seront mûres souvent avant que ne soient... soient mûres les autres aussi et alors quand le soleil arrive dessus, quand elles sont mûres elles éclatent et elles s'ouvrent et la semence éclate quoi et celui-ci fait dans ce genre-là quoi, et le moindre contact que tu fais là, plein de graines partent quoi

Lusieñ Minous, 1926, Bear (dastumet gant Tangi 00/0000)

▶ ur ruzadenn eu... ur ruzadenn kwa, 'neus ket derc'het 'ba ar memes vites evel an hini a vije oc'h ober kwa, dilañset 'neus kwa, e rez da ruzadenn kwa

[ɹy'zɑ:n ə ɹy'zɑ:dɛn kwa nøs kə 'dɛɹhɛd bah 'mɔ̃məz ə vi'tɛs wɛl n:i viʒe ho̞:ɹ kwa di'lɑ̃sɛ nøs kwa ɹe̞s tə ɹy'zɑ:dən kwa]

l'action de traînasser euh... l'action de traînasser quoi, il n'a pas maintenu la même euh... vitesse comme celui qui faisait quoi, il a pris du retard quoi, tu traînasses quoi

Lusieñ Minous, 1926, Bear (dastumet gant Tangi 00/0000)

▶ ur c'hwitelladenn ya

[ə ˌhwitə’lɑ:n ja]

un coup de sifflet oui

Roje Dollo, 1932, Bear (dastumet gant Tangi 00/0000)

▶ Ken ar wech all neuze. Ar wech all e vo graet ur vlagadenn neuze.

[ken we'ʒal nœe – we'ʒal vo 'gwɛd vla'gɑːn nœe]

À la prochaine alors. La prochaine fois on discutera un peu.

Plac'h, 1925, Trezelan (Bear) (dastumet gant Riwal 00/0000)

kleuzadenn ya

[klœ'zɑ:n ja]

action de creuser oui

Janin An Aodren, 1939, Bear (dastumet gant Tangi 00/0000)

breinadur

brèynadur

[bʁɛjnadyʁ]

pourriture

Ivona Toudig, 1934, Bear (dastumet gant Julien 00/0000)

▶ an devadur marteze ac'h ampiche ar boan d'ober ivez parce que al linad-se a sach hañ, ar re-se a rae poan ha marteze ar re-se ac'h ampiche ar boan all da dont kwa pe... peotramant e lake anezhañ da santout nebeutoc'h kwa

[ən dɛ’wɑ:dyʁ ma’te:he hɑ̃m’piʃe bwɑ̃:n do̞:ʁ ije paskə li’nadze ʒɛʃ ɑ̃ ʁeze ʁɛ pwɑ̃:n a ma’te:he ʁeze hɑ̃m’piʃe bwɑ̃:n al də dɔ̃n kwa pe pe’tɑ̃mɑ̃n ’lɑkə neɑ̃ də ’zɑ̃ntud nœ’bœtɔh kwa]

peut-être que la brûlure empêchait la douleur de venir aussi parce que ces orties-là tirent hein, celles-là font mal et peut-être que celles-là empêchaient l'autre douleur de venir quoi ou... ou sinon elles lui faisaient ressentir moins quoi

Roje Dollo, 1932, Bear (dastumet gant Tangi 00/0000)

un tamm dichonkadur

[ntɑ̃m ˌdiʃɔ̃ŋ'kɑ:dyʁ]

un petit bobo [litt. un petit arrachement, adressé à un enfant dont on a marché sur la joue]

Dominik Baodour, 1965, Bear (dastumet gant Tangi 00/0000)

neuze e veze lesket ar skubadur a-drek an nor peotramant e skoez an aotrou Doue er-maez

['nœhe viʒe 'lɛskɛt sky'bɑ:dyr dreg no:r pə'tɑ̃mɑ̃ 'skoɛz 'nɔtro 'due me̞:s]

alors on laissait ce qui avait été balayé derrière la porte, sinon tu jettes le seigneur Dieu dehors

Manuel Aofred, 1931, Bear (dastumet gant Tangi 00/0000)

▶ hag e tic'harzhemp an douar ha... dam da gaout gouzilh da lakat war ar beterabez, gouzilh, dic'harzhadur

[a di'hɑrzɛm 'duaɹ a dɑ̃m də gɑ:d 'gu:zil də 'lɑkə war be'tɾɑ:bəs 'gu:zil ˌdihar'zɑ:dyr]

et on débroussaillait les terres et... pour avoir de la litière pour mettre sur les betteraves, de la litière, des broussailles coupées

Michel Talgen, 1951, Bear (dastumet gant Tangi 00/0000)

▶ foustailh, e veze troc'het foustailh

['fustɑʎ viʒe 'trɔhə 'fustɑʎ]

des déchets de débroussaillage, on coupait des déchets de débroussaillage

Roje Dollo, 1932, Bear (dastumet gant Tangi 00/0000)

ar baotred oa kanailhez evel tout ar baotred

['bɔtəd wa kã'naʎɛs wɛl tud 'bɔtət]

les garçons étaient des canailles, comme tous les garçons

Selina Jagin, 1920, Bear (dastumet gant Tangi 00/0000)

un tamm meskailhez

[tɑ̃m mes'kɑʎəs]

un mélange [de français et de breton]

Dominik Baodour, 1965, Bear (dastumet gant Tangi 00/0000)

kignaj

['kiɲaʃ]

mélange de terre et de mottes d'herbe

Dominik Baodour, 1965, Bear (dastumet gant Tangi 00/0000)

!!!

(dastumet gant Tangi 00/0000)

petore evaj eo gwelloc'h ganit ?

[pe'tɛje 'e:vaʒ ɛ 'gwɛlɔh gɑ̃nit]

quelle boisson tu préfères ?

Lusiena ar C'harluer, 1928, Bear (dastumet gant Tangi 00/0000)

adretorn en o bugaleaj gouez dezhe

[hat'retɔrn no byga'leɑʃ gwes tɛ:]

revenir en enfance comme ils le savent

Ifig ar Bihan, 1915, Bear (dastumet gant Tangi 00/0000)

▶ graet e vez garzaj kwa

[gwɛd ve ’gɑɹzəʃ kwa]

on fait des conneries quoi [lors des manœuvres militaires]

Lusieñ Minous, 1926, Bear (dastumet gant Tangi 00/0000)

▶ hag e oan bet boutet er-maez peogwir ne raen ket nemet koneriaj ivez, marmouz a-walc'h e oan 'ba 'r skol

[a wɑ̃n 'butə me̞:s py'gy:ʁ ʁɛn kəd mɛ kɔn'ʁi:əʒ ie 'mɑrmuz ə’wɑh wɑ̃n bar sko:l]

et j'avais été mis dehors [viré] puisque je ne faisais que des conneries, j'étais assez garnement à l'école

Aleñ Toudig, 1968, Bear (dastumet gant Tangi 00/0000)

kozh fardaj

koz fardach

[koz faʁdaʃ]

choses inutiles

Ivona Toudig, 1934, Bear (dastumet gant Julien 00/0000)

▶ me zo mañchard kwa

[me zo 'mɑ̃ʃət kwa]

moi je suis gaucher quoi

Lusieñ Minous, 1926, Bear (dastumet gant Tangi 00/0000)

un dukardenn

[ndy'kɑrdən]

une brune

Selina Jagin, 1920, Bear (dastumet gant Tangi 00/0000)

un doupardenn

[ndu'pardən]

une petite grosse, courtaude

Daniel ar Bihan, 1950, Bear (dastumet gant Tangi 00/0000)

▶ un tamm kampilhard

[tɑ̃m kɑ̃m'piʎɑrt]

un enfant gringalet

Manuel Aofred, 1931, Bear (dastumet gant Tangi 00/0000)

kleizard

['klɛjart]

gaucher

Ifig ar Bihan, 1915, Bear (dastumet gant Tangi 00/0000)

dehouiard

['dewjart]

droitier

Ifig ar Bihan, 1915, Bear (dastumet gant Tangi 00/0000)

▶ war an uhelder da vat eo

[war ny'ɛldər da vɑ:d ɛ]

il est complètement en hauteur

Ivet Aofred, 1931, Bear (dastumet gant Tangi 00/0000)

▶ ar c'hi-se evel e vez lâret kwa, apeupre 'ba al ledander-se aze eu... a serre... a serre er bord kwa, ha hemañ a wrie neuze aze 'ba ar bord, 'h ae a-hed kwa, aze 'na ur minaoued a vez lâret deus se, d'ober un toull, ha neuze goude div... div spilhenn, unan anezhe a bep-tu ha neuze e sache warne ha neuze e vije memes tra evel gwriat gant ur mekanik aze

[ə ’hi:ze wɛl ve lɑ:t kwa apœpɾɛ bal le’dɑ̃ndəɹ ze ’ɑ:he ə ’zɛɹe ə ’zɛɹe bɔɹt kwa a ’hemɑ̃ ’wɾie ’nœ:he ’ɑ:he bah bɔɹt he he:t kwa ’ɑ:he na ə mi’nɛwəd ve lɑ:t təs se do̞:ɹ ntul a ’nœ:he ’gu:de diw diw ’spiʎən ’lɑke yn nɛ: bop ty: a ’nœ:he ’ʒɛʃe waɹnɛ a ’nœ:he viʒe mɔ̃məs’tɾɑ: wɛl ’gwɾi:ət kɑ̃n mi’kɑ̃:nig ’ɑ:he]

ce xxx chien [de cordonnier] comme on dit quoi, à peu près de cette largeur-là là, euh... il fermait... il fermait au bord quoi et celui-ci roulait alors là au bord, il allait en longueur quoi, là il avait un poinçon qu'on appelle ça pour faire un trou et alors après, deux... deux épingles, un d'elles de chaque côté et alors il tirait dessus et alors c'était pareil que coudre avec une machine là

Lusieñ Minous, 1926, Bear (dastumet gant Tangi 00/0000)

▶ ... zo graet roudennoù 'ba an donder-se, tout ar re-se riñset eu...

[zo gwɛd ɹu'deno ban 'dɔ̃ndəɹ ze tud ɹee 'ɹĩsəd ə]

... il y a eu des ravines de cette profondeur-là de faites, tout ceux-là rincés euh...

Lusieñ Minous, 1926, Bear (dastumet gant Tangi 00/0000)

▶ an devder

['ndewdəɹ]

l'épaisseur

Lusieñ Minous, 1926, Bear (dastumet gant Tangi 00/0000)

ar c'hazh zo en tommder.

haz zo tomdeur.

[haz zo tomdəʁ]

Le chat est en chaleur.

Ivona Toudig, 1934, Bear (dastumet gant Julien 00/0000)

▶ an devder

['ndewdəɹ]

l'épaisseur

Lusieñ Minous, 1926, Bear (dastumet gant Tangi 00/0000)

ur pezh taol 'ba 'n devder aze

[ə pe:s to:l ban ‘dewdər ‘ahe]

une grande table de cette épaisseur

Manuel Aofred, 1931, Bear (dastumet gant Tangi 00/0000)

'ba 'n tevder-se

[ban 'tewdər ze]

de cette épaisseur-là

Frañswa ar Bihan, 1931, Bear (dastumet gant Tangi 00/0000)

▶ en tevder d'ar voutailh aze kua

['tewdər də 'vutɛʎ 'ɑhɛ kya]

de l'épaisseur de la bouteille quoi

Manuel Aofred, 1931, Bear (dastumet gant Tangi 00/0000)

▶ ne oa ket sañset euh n'am... un dommder deus an amzer... deus... deus an amzer homañ, n'omp ket nemet 'ba miz ebrel hañ

[wa kə 'sɑ̃səd ə nɑ̃ ən 'dɔmdər dəz 'nɑ̃mzər dəz dəz 'nɑ̃mzər 'homɑ̃ nɔ̃m kə mɛ bah miz 'e:bəl ɑ̃]

on n'était pas sensés avoir euh un te... une chaleur en fonction du temps... de... du temps, nous ne sommes qu'au mois d'avril

Roje Dollo, 1932, Bear (dastumet gant Tangi 00/0000)

▶ ah, met n'omp ket o vont war sezon an tommder hañ

[a: mɛ nɔ̃m vɔ̃n waʁ 'sɛ:zɔ̃n ən 'to̞mdəʁ ɑ̃]

ah, mais nous n'allons pas vers la saison chaude hein

Roje Dollo, 1932, Bear (dastumet gant Tangi 00/0000)

▶ evel zo bet aze, gant... gant an tommder vras aze

[wɛl zo bed 'ɑ:he gɑ̃n gɑ̃n ˌto̞mdəɹ'vɾɑ:z ˌɑ:he]

comme il y a eu là, avec... avec la grande chaleur là

Lusieñ Minous, 1926, Bear (dastumet gant Tangi 00/0000)

sabraneg ma keret

[za'brɑ̃:nək ma 'kerɛt]

sableux [granuleux, consistance du miel l'hiver] si tu veux

Ifig ar Bihan, 1915, Bear (dastumet gant Tangi 00/0000)

▶ Ha genaouegez.

Et imbécile [féminin].

Plac'h, 1925, Trezelan (Bear) (dastumet gant Riwal 00/0000)

!!!

(dastumet gant Tangi 00/0000)

Te zo barrek.

Té zo barèg.

[te zo 'baʁɛg]

Tu vas y arriver. [sans mon aide]

Paotr, 1951, Bear (dastumet gant Julien 00/0000)

▶ 'ba al lanneg

[bal 'lɑ̃nək]

dans la lande

Roje Dollo, 1932, Bear (dastumet gant Tangi 00/0000)

ur vaelaneg

[vɛ'lɑ̃:nək]

une genêtaie

Roje Dollo, 1932, Bear (dastumet gant Tangi 00/0000)

▶ kollet 'neus e anaoudegezh

['kɔlɛ nøz i ˌɑ̃nu'de:gəs]

il a perdu conscience

Roje Dollo, 1932, Bear (dastumet gant Tangi 00/0000)

▶ an dalvoudegezh 'neus cheñchet 'vat

[ən ˌdalvu’de:gəz nøs ’ʃɛ̃jʃət a]

la valeur [de l'argent] a changé pourtant

Roje Dollo, 1932, Bear (dastumet gant Tangi 00/0000)

▶ hardiegezh

[haɾ'dje:gəs]

de l'assurance [facilité à parler en public]

Michel Talgen, 1951, Bear (dastumet gant Tangi 00/0000)

▶ daou dra 'neus bet eu... avañtajet eu... « plac'h an tiegezh » evel e vez lâret eu... la femme au foyer peneogwir e vije 'ba... aze eu... ar machin da gannañ ha neuze ar saout

[do̞w dɹɑ: nøz bed ə ˌavɑ̃’tɑ:ʒəd ə plɑh ti’e:gɛz wɛl ve lɑ:d ə la fam o fwaje pyny’gy:ɹ viʒe bah ’ɑ:he ə ’mɑʃin də ’gɑ̃nɑ̃ a ’nœ:he zo̞wt]

il y a deux choses qui ont euh... avantagé euh... « la femme au foyer » comme on dit euh... la femme au foyer puisqu'elle était dans... là euh... la machine à laver et alors les vaches

Lusieñ Minous, 1926, Bear (dastumet gant Tangi 00/0000)

▶ ar maenerezh aze

[mi'nɛ:rəz 'ɑ:he]

la maçonnerie là

Lusieñ Minous, 1926, Bear (dastumet gant Tangi 00/0000)

▶ te zo bet o labourat 'ba ar masoniaj un tamm ivez kwida

[te zo be la’bu:rəd bah ˌmasɔ̃’ni:əʃ tɑ̃m ’ie 'kwida]

tu as travaillé dans la maçonnerie un peu aussi quoi

Eme Toudig, 1937, Bear (dastumet gant Tangi 00/0000)

pesketaerezh

peskétereus

[pesketeʁəs]

pêche

Paotr, 1951, Bear (dastumet gant Julien 00/0000)

▶ E-barzh ar skol aze e-barzh ar Gouent e oa skol menajerezh, menajerezh ma kerez, e vije graet skol menajerezh dionti, ha aze e deskez ober ar guizin, ha neuze ober la couture, ha neuze...

Bah skol ahé bah Gouent oa skol ménajéres, ménajéres ma kées, vijé gèt skol ménajéres dionti, a ahé diskèz or guizin, a neuzé or la couture, ha neuzé...

L'école du Bon Sauveur était une école « ménagère », si tu veux, on l'appelait une école « ménagère », et là tu apprenais à cuisinier, à coudre...

Plac'h, 1946, Pederneg (dastumet gant Riwal 00/0000)

krampouezherezh

[ˌkrɑ̃mpu'sɛ:rəs]

crêperie

Lusiena ar C'harluer, 1928, Bear (dastumet gant Tangi 00/0000)

▶ « krampouezherezh », « ar grampouezherezh » ya

[krãmpu’se:rəs - grãmpu’se:rəs ja]

« crêperie », « la crêperie » oui

Ifig ar Bihan, 1915, Bear (dastumet gant Tangi 00/0000)

un dristidigezh da welet anezhañ.

Tristidiyeus de wèleu néan.

[tʁistidijəs də wɛlə neã]

C'est une tristesse de le voir.

Ivona Toudig, 1934, Bear (dastumet gant Julien 00/0000)

▶ bepred 'da lesket anezhi ur pennad bihan

['bopəd da 'lɛskəd nɛj 'pɛnəd 'bi:ən]

toujours est-il qu'elle l'avait laissée un petit moment

Janin An Aodren, 1939, Bear (dastumet gant Tangi 00/0000)

un toullad bihan

[ˌtulə'biən]

quelques unes [années à vivre]

Selina Jagin, 1920, Bear (dastumet gant Tangi 00/0000)

▶ Gwelet a rez ma boupigoù a vez aze a-wechoù ya.

['gwɛl ə ʁɛs mə bu'pɪɟo ve ahe 'we̞ːʒo ja]

Tu vois mes peluches qui sont là parfois oui.

Plac'h, 1925, Trezelan (Bear) (dastumet gant Riwal 00/0000)

▶ kanigoù saovaj aze

[kɑ̃’nico ’ʒo:vaʃ ’ɑ:he]

des canards sauvages là

Lusieñ Minous, 1926, Bear (dastumet gant Tangi 00/0000)

hañvig gouel Mikael

[’hãwi gu mi'cɛ:l]

le petit été de la Saint Michel

Lusiena ar C'harluer, 1928, Bear (dastumet gant Tangi 00/0000)

Soubenn an tri draig : "dour, holen ha baraig". Pa ne vez ket traoù d'ober da goan.

Zoubeun tri draït-ch : "dour, holeun ha baraït-ch. Pa vi ket trèw do de gwan-n.

[ˈzu:bən tʁi ˈdʁa:ic duːʁ ˈho:lən a baˈʁa:ic] [pa 'vekə tʁɛw doːʁ də gwã:n]

La soupe des trois choses : de l'eau, du sel et du pain. Quand il n'y a rien pour faire à manger.

Ivona Toudig, 1934, Bear (dastumet gant Julien 00/0000)

▶ mabig Jezus

['mɑ:bik 'ʃe:zys]

l'enfant Jésus

Manuel Aofred, 1931, Bear (dastumet gant Tangi 00/0000)

ha prestik e gomañsit anezhañ ?

[a ’prestic go’mɑ̃səd ’neɑ̃]

et vous la commencez bientôt ? [maison]

Manuel Aofred, 1931, Bear (dastumet gant Tangi 00/0000)

lesk unan ganin bremañ-soudenig

[lɛsk yn gə'nĩ bə'zɔ̃mic]

laisse m'en un tout à l'heure

Lusiena ar C'harluer, 1928, Bear (dastumet gant Tangi 00/0000)

dousik dezhi !

[’dusic tɛj]

vas-y doucement [mollo] !

Lusiena ar C'harluer, 1928, Bear (dastumet gant Tangi 00/0000)

▶ aze e oa deut ar re-seouig

[’ɑhe wa dœ ’zewic]

[à cette époque-] là étaient arrivés ceux-là [tracteurs]

Michel Talgen, 1951, Bear (dastumet gant Tangi 00/0000)

Me zo ma-unanig.

Me zo meu-hune an-nit-ch.

[me zo møhyn ãnic]

Je suis seul.

Ivona Toudig, 1934, Bear (dastumet gant Julien 00/0000)

Te zo da-unanig.

Te zo teu-hune an-nit-ch.

[te zo tøhyn ãnic]

tu es seul.

Ivona Toudig, 1934, Bear (dastumet gant Julien 00/0000)

▶ doupig doupig da Sant Loupig, war... dreist ar vein... dreist an drez ha dreist ar vein, hag an hini bihan war e gein

['dupiɟ 'dupiɟ də zɑ̃n 'lupiɟ waʁ dʁɛjst ə vɛɲ dʁɛjst ən dʁe:z a dʁɛjst ə vɛɲ ag ə n:i 'bi:ən waʁ o gɛɲ kwa]

à dada jusqu'à Sant Loup, sur... par-dessus les pierres... par-dessus les ronces et par-dessus les pierres, et le petit sur leur dos

Roje Dollo, 1932, Bear (dastumet gant Tangi 00/0000)

doub ha doub ha doub ha doupig

['duba'duba'duba'dupic]

à dada sur mon bidet

Lusiena ar C'harluer, 1928, Bear (dastumet gant Tangi 00/0000)

▶ traoù landrammus

[trɛw las'trɑ̃mys]

des choses encombrantes

Roje Dollo, 1932, Bear (dastumet gant Tangi 00/0000)

te zo fentus

[te zo 'fɛntys]

tu es bizarre

Jañ-Batist Perrin, 1928, Bear (dastumet gant Tangi 00/0000)

n'eo ket kaozeus

[ne kə ko'zeys]

il n'est pas causant

Lusiena ar C'harluer, 1928, Bear (dastumet gant Tangi 00/0000)

arru out ankouaus evel unan kozh

[ɑj ud ɑ̃ŋ'kwɑyz wɛl yn ko:s]

tu es arrivé oublieux [tu n'as plus de mémoire] comme un vieux

Ifig ar Bihan, 1915, Bear (dastumet gant Tangi 00/0000)

▶ oh met, ur jeu dipitus eo hañ ! d'ober...

[o mɛ: ʒø di'bityz ɛ ã - 'do:bər]

oh mais, c'est une activité qui prend du temps hein ! à faire... [blinis maisons]

Lusiena ar C'harluer, 1928, Bear (dastumet gant Tangi 00/0000)

chañsus

['ʃɑ̃sys]

chanceux

Lusiena ar C'harluer, 1928, Bear (dastumet gant Tangi 00/0000)

▶ ha bremañ 'h eo maleürus se dezhe

[a ’bomɑ̃ hɛ ma’ly:rys se dɛ:]

et maintenant c'est malheureux pour eux

Roje Dollo, 1932, Bear (dastumet gant Tangi 00/0000)

▶ aotrou Sant Joran venniget ; 'ba Ploueg c'hwi 'peus bevet ; evurus bremañ gant hom dud-kozh ; pedit evidomp er baradoz

[’o̞tɾo ʒɑ̃n ’ʒo:ɹɑ̃n vi’ni:ɟət - bah ’plu:əg hwi pœs ’bewət - i’vy:ɹyz ’bɹemɑ̃ gɑ̃n ɔ̃m dyd ko:s - ’pe:did widɔ̃m ɛɹ ba’ɹɑ:dos]

seigneur Sant Joran béni ; à Ploueg vous avec vécu ; heureux maintenant avec nos grands-parents ; priez pour nous au paradis [cantique Sant Joran]

Lusieñ Minous, 1926, Bear (dastumet gant Tangi 00/0000)

▶ pa oa lâret din pa... da gentañ 'ma laket ma anv met ne oan ket... ne oa ket... ne oan ket gelvet ken e oa arru fin fin... ken oa arru miz *golo... Gwengolo, o lâret din oa ur mizvezh kwa

[pe wa lɑ:r tĩ pe də ’gentɑ̃ ma ’lɑkə mə ’hɑ̃:no mɛ wɑ̃ŋ kə wa kə wɑ̃ŋ kə ’gɛlwə ken wa ɑj fin fin ken wa ɑj miz ko:lo gwɛn’go:lo ’lɑ:rət tĩ wa ’mi:zəs kwa]

quand on m'avait dit quand... au début je m'étais inscrit mais je n'étais pas... il n'y avait pas... je n'étais pas appelé jusqu'à la toute fin de... jusqu'au mois de sept... septembre, me disant qu'il y avait un mois quoi

Roje Dollo, 1932, Bear (dastumet gant Tangi 00/0000)

▶ Kazi 'meus tremenet ar beurevezh hep gouzout din.

kazi [’kahe]

J'ai passé la matinée presque sans m'en rendre compte.

Plac'h, 1925, Trezelan (Bear) (dastumet gant Riwal 00/0000)